Por outra ordenanza de llimpieza pal Conceyu de Llión

Agora
AGORA sumóuse a la campaña que dende la Coordinadora Antifascista de Llión y Ecoloxistas n’Aición se fai escontra la Ordenanza reguladora de la llimpieza del Conceyu de Llión.
Esta ordenanza, que ta en periodu d’información pública, llonxe de centrase n’aspeutos básicos de conteníu ambiental, constitúi una ferramienta de “llimpieza ideolóxica”, conforme sanciona de xeito bien duru (entre 751 y 1.500 euros) el repartu d’outaviellas y la colocación de cartelos, peguichos ou pancartas. Sicasí, esclúin las que seyan de calter publicitariu, qu’esas se ve que nun “contaminan”.
Por esti motivu, representantes d’AGORA entregaron nel Rexistru del Conceyu de Llión las súas alegaciones, amás d’unas 40 de personas a títulu individual.Estas alegaciones arreprenden el caráuter represivu y recaudador del testu, y piden la supresión de dalgunos artículos, la rebaxa de graves a lleves pa dellas faltas, y la reconocencia de las entidaes ya individuos firmantes como parte interesada nel procedimientu.